APIRILAK 23, LIBURUAREN EGUNA

Dakizuenez, gaur, apirilak 23, Gorka Deuna (Zorionak gure Gorkari!!), liburuaren eguna ospatzen da mundu osoan. Zergatik apirilak 23an eta ez beste edozein egun batean? Orain dela 20 urte erabaki zen data honetan ospatzea, 1616. urtean, egun honetan hain zuzen, hiru idazle famatu hil egin zirelako: Miguel de Cervantes Saavedra, William Shakespeare eta Garcilaso de la Vega. Behar bada haien izenak ezagunak egiten zaizkizue, baina egunen batean haien obraren batez gozatzea espero dugu.

Zuen ustez, hurrengo argazkiak, zer irudikatzen du? Zerikusirik al dauka gaurko egunarekin?

Egon zaitezte adi hurrengo bideoari, ez dago hitzik baina liburuak irakurtzearen garrantzia ikustarazten digu. 

Liburuez gozatu!

Cristina eta Jon

KOLORETAKO MUNSTROA

Badakizue zer den nahastuta egotea? Inoiz gertatu zaizue txarto sentitzea eta ez jakitea zergatik? Bideo bat ikusiko dugu eta horrekin norberaren sentimenduak apur bat hobeto ezagutzea espero dugu.

Ikusitako bideo hau, liburu batean dago oinarrituta. Jarraian ikusiko duzuen bideoipuina, eskola bateko ume batzuek kontatua da. 

Egon adi eta ikusi zein ondo egiten duten...

Gustatu zaizue? Animatzen zarete euskaraz egiten lagun hauek egin duten moduan?

Cristina eta Jon.

AMA LURRAREN EGUNA

Gaur, apirilak 22, Ama Lurraren eguna ospatzen da mundu osoan. Gauza txiki egin dezakegu guk baina guztiok gauza txikia eginez gero, zerbait hobetuko dugu. 

Pentsa dezagun apur bat: zer bururatzen zaizue egin dezakegula gutariko bakoitzak zaintzeko? Zertan lagun diezaiokegu Ama Lurrari? Norentzat izango da etekina?

Zain dezagun Ama Lurra!!

Cristina eta Jon

ONGI ETORRI BERRIRO!

Amaitu dira oporrak eta pilak kargatzeko denbora. Azken txanpa daukagu aurrean eta gogor lan egiteko gogoa izatea espero dugu.

Criatina eta Jon